«Дәстүрлі отбасы және қазіргі отбасы» тақырыбында пікір алмасу

Дәстүрлі және қазіргі отбасы ерекшеліктерін салыстыра отырып, ұлттық тәрбие мен заманауи көзқарастың сабақтастығын түсіндіру мақсатында 10-11 сынып оқушыларымен М.Жантелиева «Дәстүрлі отбасы және қазіргі отбасы» тақырыбында пікір алмасу ұйымдастырылды.

Іс-шара барысында оқушыларға дәстүрлі отбасының өзіндік ерекшеліктері мен құндылықтары туралы түсінік берілді. Атап айтқанда, үлкенді сыйлау, кішіге қамқор болу, ата-ананы құрметтеу, салт-дәстүрді сақтау, отбасы мүшелерінің өзара жауапкершілігі мен туыстық байланысты нығайту мәселелері қозғалды.

Сонымен қатар қазіргі отбасының ерекшеліктері талқыланып, бүгінгі қоғамдағы ата-ана мен бала арасындағы ашық қарым-қатынас, өзара түсіністік, жеке пікірге құрметпен қарау, отбасы мүшелерінің бір-бірін қолдауы және міндеттерді бірлесіп атқаруы жөнінде пікірлер айтылды.

Пікір алмасу барысында оқушылар «Дәстүрлі отбасы мен қазіргі отбасының қандай ұқсастықтары бар?», «Отбасында тәртіп пен еркіндіктің арақатынасы қандай болуы керек?» деген сұрақтар төңірегінде өз ойларын ортаға салды.

Оқушылар өз пікірлерін еркін білдіріп, дәстүрлі және қазіргі отбасының өзіндік ерекшеліктерін саралады