“Ауғанның асуында от кешкендер” тақырыбында Ауған соғысы және тәжік ауған соғысы ардагерлерімен кездесу өткізілді.

15  ақпан - Кеңес әскерлерінің Ауғанстан жерінен шығарылған күні. Биыл сол соғыстың аяқталғанына 37 жыл толып отыр. Осыған орай Төребай Ақбозов атындағы орта мектебінде АӘжТД пәнінің мұғалімі Б.Садықов және 10 - сыныптың сынып жетекшісі М. Жантелиеваның ұйымдастыруымен “Ауғанның асуында от кешкендер” тақырыбында Ауған соғысы және тәжік ауған соғысы ардагерлерімен кездесу өткізілді. Кездесуге ауған соғысының  ардагерлері-  Амангелді Ауэзов, Ақжолтай Абдибеков ағалар қатысты. Мақсаты: Ауған соғысы жылдарындағы тарихи оқиғаларды еске алу, сол кезеңде ерлік көрсеткен жауынгерлердің батылдығын насихаттау және жас ұрпақтың бойына отансүйгіштік, ерлік қасиеттерін қалыптастыру.

Іс-шараға қатысқан ардагерлеріміз оқушыларға патриоттық тәрбие бере отырып, Отанға деген құрмет сезімдерімен бөлісті. Сондай-ақ оқушылардың қойын дәптерлеріне қолтаңба мен ізгі тілектер жазды.