“Мектебім саған мың алғыс” атты соңғы қоңырауға арналған салтанатты жиын жоғары деңгейде өткізілді.

2026 жылғы 25 мамыр күні  Төребай Ақбозов атындағы орта мектебінде “Мектебім саған  мың алғыс” атты соңғы қоңырауға арналған салтанатты жиын жоғары деңгейде өткізілді.

Мерекелік шараға мектеп әкімшілігі, ұстаздар қауымы, ата-аналар, ардагер ұстаздар мен қадірлі қонақтар қатысты. Салтанатты жиын Қазақстан Республикасының Мемлекеттік Гимнімен ашылып, мектеп бітіруші түлектерге арналған жүрекжарды тілектер мен ізгі лебіздер айтылды.

Жиын барысында қонақтар мен ұстаздар түлектерге ақ жол тілеп, алдағы Ұлттық бірыңғай тестілеуде сәттілік, өмір жолында биік белестер мен жарқын болашақ тіледі.

Мерекелік шарада мектеп бітіруші түлектердің әсерлі қоштасу вальсі орындалып, ұстаздарға арналған алғыс сөздері мен әсем әндер көпшілік көңілінен шықты. Түлектердің мектепке деген сағынышы мен ризашылығы айтылған әсерлі сәттер көрермендерге ерекше көңіл-күй сыйлады.

«Соңғы қоңырау» салтанаты – мектеппен қоштасу ғана емес, жас түлектердің болашаққа жасаған алғашқы қадамы, жаңа өмірге бастар жарқын жолдың бастауы ретінде есте қалды.