«Мектептегі бір күн» атты ашық есік өтті

Төребай Ақбозов атындағы орта мектебінде «Тағылым» тәрбие орталығының ұйымдастыруымен «Отбасы-орта мектеп» жобасы аясында ата-аналарға арналаған «Мектептегі бір күн» атты ашық есік өтті. Ашық есікке Республикалық «Болашақ және сенім» ата-аналар қауымдастығының басшылары, Байзақ ауданы білім бөлімінің әдіскері, аймақтық тәрбие ісі жөніндегі орынбасарлары, ата-аналардың қатысуымен өтті. Іс-шараның бағдарламасына сай, мектеп директоры А.Ә.Копбосынова кіріспе сөз сөйледі. Білім бөлімінің әдіскері З.Сатылғанова алғы сөз сөйлеп, қонақтарға сөз берді. Мектеп директорының тәрбие ісі жөніндегі орынбасары Н.И.Жаксыгулова «Бала тәрбиесіндегі отбасының рөлі» тақырбында коучинг өтті. 9-сынып оқушыларымен сынып жетекші М. Жантелиева «Сұңқардың қанаты ұшқанда қатаяды» тақырыбында өнеге сағаты өтті. 10-сынып оқушыларымен С.Тайжұмаева «Патриоттық тәрбие берудің діңгегі- отбасы тәрбиесінде» тақырыбында дөңгелек үстел өтті. «Отбасы кішкентай бір мемлекеттік ұя» деп бекер айтылмаған. Әдетте жақсылықтың бәрі отбасынан басталады. Отбасы - жұртты жақындастырушы, ұрпақ пен ұрпақты табыстырушы, ұрпақаралық тұтастықтың отын жағушы ерекше ұя. Сондықтан да отбасы - барша адамзатқа ең жақын, ең қасиетті ұғым. Әрбір отбасында сүйіспеншілік пен түсіністік мықты болса, қоғамның діңгегі де берік болады. Адам ең алғаш шыр етіп дүниеге келген сәтінен бастап отбасының тәрбиесін алады. Отбасы – адам баласының алтын діңгегі.